Asal Usul Kota Lampung

loading...

Ngemik pak mewakhei sei namone Ompung Silamponga, Ompung Silitionga, Ompung Silatoa, dan Ompung Sintalaga sei berusaho lapah nyelamatke direi anjak Tapanuli dak arah tenggara. Tiyan lapah nyeberang lawet makai pekhahhew/ rakit. Kak bepanas-panas tiyan diumbang-ambing mak ko arah di tengah lawet, sei kedow persediaan mengan tiyan kak semakin tipis. Sesekalei disaat tiyan tunggo daratan, tiyan bekhadew nikhew kanen dan balik kupek belayar.

Suatu saat, Ompung Silamponga makhing. Badanne lemeh. Anying, yo tetep niat ago ngelajewke lapahanno. Sementaro ino, ketigo wakheine kak palay dan mutuske agow bekhadew belayar.

Tibo-tibo, kenahhan wat rakit terumbang-ambing pakhek tiyan. Ketigo wakheino sei sihat mutuske bepisah jamo Ompung Silamponga. Atei-atei, tiyan ngakkat wakheino ino sei lagei bahaban dak rakit sei appay tiyan tumbuk dan ngedurung rakit ino, sehinggo kebow arus ngejawehke anjak tiyan.

Baca Juga: Sejarah Desa Raja Basa Lama

Ompung Silamponga sayan terumbang-ambing jamo rakitno. Badanno lemeh temen. Sekhadew sekian munnei, rakitne numbur dakhak. Ompung Silamponga minjak. Iyo ngenah direi no kak tedampar di pantai sei ombakno mak sepikho balak. Iduh ulah bak yo ngekhaso badanno jadi kuat dan sihat. Yo lapah nyusurke pantai ino. Lajew iyo tumbuk way balak sei way no irang. Ompung Silamponga bepikir ago  meneng gaweh di daerah ino.

Sekhadew sekian lamo meneng di daerah ino, Ompung Silamponga ngekhaso busen. Adew ino, yo lapah ngejelajah pulau ino. Iyo kukhuk dak las dan akhirne tigeh di puccak di unggak bukit, pemandanganne sei indah dan yo dapek ninuk wat penduduk sei meneng dideh bukit.

Andel ghasone, mak disadareino iyo kemekhik “Lappung!! Lappung!! Lappung!! (dilem bahaso Tapanuli, Lappung arteino Luas/bekhak).

Ompung Silamponga turun anjak bukit dan ngebuka anek barew dinnei. Iyo namoke beng ino “Lappung”. Disekitarno wat munih anek sei ukhikne lagi terbelakang. Ompung Silamponga ngejalin hubungan wawai jamo kaban jimo pribumei ino.

Semakin munnei daerah ino semakin berkembang. Ompung Silamponga ngegelikke ukhikno dinnei tigeh yo ninggal. Namo Lampung diakui asalno anjak wo hal. Pertamo, anjak cawoan sei dikemekhikke Ompung Silamponga diunggak bukit pas yo pertamo kalei tumbuk daerah ino. Keduo, anjak sebagian namo Ompung Silamponga.

Disadur anjak: dongengceritarakyat.com